الحب في زمن البوتكس

نبذة عن كتاب الحب في زمن البوتكس

كتاب الحب في زمن البوتكس – جهاد التابعي في زمن البوتكس ..الفاكهة اللي بتحبها (مرشوشة) ،والممثلة اللي بتصدقها (منفوخة)،والصورة اللي عاجباك طالع عينها (فوتوشوب) ،والشهاده اللي خدتها (فشنك) ،والثورة اللي نزلتها (بح) ..احنا بقينا في زمن الحقن !إختيارك لــ عنوان الكتاب رائع, فيه كلمة حُب + فيه غموض وتساؤل حول كلمة بوتكس أ-الأفكار:1- غضبك من شكل العلاقات الإنسانية والعلاقة بين الرجل والمرأة واضح و الغضب من الأشياء المُزيفة ومن تطفُل المُجتمع على البنت باين جدا.2 – وقاحة المُجتمع هى العُنصر الأساسى فى أفكارك.3- اسباب زواج الرجال فى مُجتمعنا والبنات هى اللى قولتيها فى فصل الحُب فى زمن البوتكس بس فى اسباب تانية عند الرجال غير الدافع الجنسى زى الرغبة فى الإستقرار و غنه يلحق القطر وإن إصحابه كلهم إتجوزوا و هو لسه .4- الجُزء اللى جبتيه من مقال د. مُصطفى محمود كان وجهة نظر شاب مُستهتر ورد عليها الدكتور بعد كده فى المقال وإنتقدها بإن الراجل الفخور بتعدد علاقاته وفرحان إنه حُر إكتشف إنه مابيعمل حاجه بالحُريه وإنه عايش فى خراب نفسى فى النهاية.5- أروع ما فى الكتاب فكرة بكارة الروح وبكارة الجسد.6- فكرة إن الشاب يكون لبق ذكر مُثقف …. إلخ .. دى مواصفات الشيطان .. ماعجبتنيش وكانت ركيكة جدا لأن فيه شباب وبنات مالهمش دين أصلا وأروع من مليون مُتدين .. مش الإيمان فى حد ذاته هو الشئ الاساسى والمُكمل للصفات والقيم النبيله .. بل الإنسانية والرحمة.فى فصول أخضر وبأستك وتلاته فى واحد وحلاوة روح بتناقشى الأفكار من تفاصيل تفاصيلها .. بتبداى بأمثله وتفاصيل مُباشرة .. و انا رأيي إن الأفضل فى مُناقشة فكرة إننا نبدا من العموميات ثُم التخصص و الأمثلة .. أما إنتى هنا بداتى بالعكسب- طريقة الكتابة1- إنك حلفتى لنفسك إن ماحدش هايقرا الكتاب طلعة بتلقائية وعفوية وصدق .. دى حاجه عجبتنى جدا.2- عجبنى لإستعراضك للعامية المصريه فى تناحة .. إستعراض دمه خفيف و زى ما يكون مرايه جديدة شفت فيها ملامح مُجتمعنا وإنتبهت لتفاصيل فيه لأول مره آخد بالى منها.3- كتابتك باللغة العامية وإنتقادك لفكرة إن لازم نفضل مُتمسكين باللفصحى وبالزمن الجميل (اللى لا كان جميل ولا حاجه) عجبونى.4- الكتاب لو اعتبرناه تسجيل لخواطر بنوته مصريه يبقى رائع .. أما لو إعتبرناه عمل أدبى او فكرى .. يبقى كارثة وأنا عارف إنك كاتباه بالمنطق الأولانى وعشان كده عجبنى.إكتبى وعبرى وحسنى من طريقة تعبيرك وسيبك من اى نقد وكلام فارغ .. ع الأقل دماغك بتستغل وعايزة تضيفى حاجة للدنيا حواليكى .